أطيب شامي 2 بيانات غير مؤكدة

تجربة سيئة جداً وتعامُل غير احترافي بالمرة من صاحب/مدير المطعم. الطلب نزل غلط ومخالف للطلب، وبدل ما يتم تصليح الخطأ باعتذار، كان فيه جدال وطريقة تعامل عصيبة وغير لائقة مع الزبون. وللعلم مش اول خطأ في الاوردرات لكن مقبوله، الغير مقبول طريقه تعامل مدير وصاحب المكان م. احمد. فطلبت قيمه الفاتوره وتركت الساندوتشات مع اني عميل دائم أسبوعيا اتعامل معهم والاسوء من كده، لما ابني نسي موبايله في المحل وبعد ما روحت اتصلت عشان أبعت سائق (أوبر) يستلمه، صاحب المحل رفض تماماً يسلّمه للمندوب واشترط إنه ياخد 120 جنيه بدون أي وجه حق علشان يرجع الموبايل! استغلال واضح وطريقة إدارة تفتقر لأبسط قواعد الاحترام وخدمة العملاء. لا أنصح بالتعامل معهم إطلاقاً. للاسف يسئ لاسم المطعم اطيب شامي ويسئ للاداره السابقه السوريه الطعام: 1 الخدمة: 1 الأجواء: 1

اولا الاسعار كويسه جدا و دى المره التانيه و السندويتشات كويسه و حجمها كبير و يشبع وخاصه الفرنساوى و لكن المره الاولى انا جربت كذا نوع بيتزا العجينه مستويه كويس و الجبنه كويسه لكن الاضافات قليله جدا سواء خضار او لحوم يعنى ف كل شريحه يااما حته زيتونه او طماطم او فلفل ومش كلهم مع بعض على شريحه لا ده كل شريحه فيها حاجه واحده بس من اللى ذكرتها .. تلاقو كمان اللحوم مثلا قطعتين صغيرين بالعدد فى كل شريحه ... كانت تجربه سيئه بالنسبة للبيتزا من عندهم لكن فيه مطعم افضل منه بكتير للبيتزا اسمه اهل الرايه فيه فرع فى شارع معهد الحصرى و فرع ف فاميلى مول انا رحت فرع فاميلى المطعم جامد جدا العجينه و الاضافات كتيره جدا وخاصه عنده بيتزا فراخ مكسيكي جامده وسعرها اعلى شويه.. لكن مطعم اطعم شامى ممكن اجرب الفراخ ممكن تبقى عنده افضل نوع الطلب داخل المطعم السعر للشخص الواحد 1–200 E£ الطعام: 3 الخدمة: 2 الأجواء: 1 الحجز بدون حجز فقط مستوى الضجيج هادئ ويمكن التحدث بسهولة حجم المجموعة أكثر من 9 أشخاص مساحة موقف السيارات من الصعب نوعًا ما العثور على موقف سيارات خيارات مواقف السيارات موقف سيارات مجاني

"أطيب شامي" احسن شاورما سوري ف اكتوبر و اللي هيقولي اي مكان تاني ييجي يعاركني انا بهتم جدا بالاماكن اللي بتحقق المعادله اللي انا بحبها بتاعت السعر و الكميه و الطعم فراخ چوسي بنسبه لطيفه جدا و شامة النار فا في طعم اللسع فيها بردو و دا انا بحبه تتبيله متوازنه من البهارات و الحبهان اللي بيكون سر الشاورما السوري انا بروح هناك لما الشاورما توحشني و ابقى عايز اكل شاورما و اتبسط و محسش انني متكروت فنفس الوقت مدفعش كتير بس اكل كتير عادي المحل نفسه مساحته مستغله اغلبها كمطبخ لانهم بيعملوا حجات كتير و عندهم جزء جزاره و جزء معجنات ف الدنيا مش صغيره لكن فنفس الوقت يعتبر مفيش قعده خاصه للمحل هم كام كرسي و كام ترابيزه جنبه برا كدا وخلاص انا عامة بفضل اخد الاكل و امشي البوكس العظيم دا اسمه "وجبه شاورما عربي دبل" مكونه من ساندوتشين شاورما متقطعين و محطوطين ف البوكس اللي مفروش بكميه هايله من الفرايز السخنه و في كورنر كدا فيه مخلل و فلفل و طماطم و جزر و كدا اكنها سلطه يعني بس طرنشات المهم ان حقيقي كمية البطاطس دي تبسطك و تدلعك و لو انت مش اكيل غالبا مش هتقدر تخلص الوجبه لوحدك اما عن علبة الرز بلبن اللي ف الصور دي فا هو مش رز بلبن لا دي توميه التوميه عند اطيب شامي غريبه جدا عن اي مكان تاني ريحتها مش نفاذه مش بتسيب ريحه فيك لما تخلص اكل طعمها كريمي جدا فا اعتقد مخلوطه بشئ من الجبنه و المايونيز تقريبا مش عارف بس انا بحبها جدا جدا ساندوتشين و كمية فرايز محترمه و مخلل و خضار و علبة التوميه بـ٥٥ جنيه بس و حقيقي قليل عليها