الممتازة للمأكولات الآسياوية بيانات غير مؤكدة

الاكل عندهم ادمان بجد اول مرة تجربة تستغرب طعمة بس بعد كدة بتبقي متقدرش تعدي اسبوع من غير ما تروح اطباقي المفضلة هي ارز مقلي واندومي توم يام وفراخ ساتي ونوسنترا مقلية وطبعا عصير الفوف ايس الخطير المنعش

حرفياً جالي تسمم بعد الأكل بس الحمدلله اخدت العلاجات اللازمة و بقيت كويس و الأكل طعمه سيء جداً نودلز ملهاش طعم و شوربة توم يام ملهاش علاقة بالتوم يام و طعمها يقرف حرفياً عشان ابقي منصف الميلك شيك بس هو اللي حلو و تقريباً عشان بيبقي جاهز.. مكان قذر و ريحة وحشة الواحد كان أصلا قرفان ياكل و ياريته ما أكل علي ما اعتقد ميعرفوش أي شيء عن النضافة المعالق و الشوك بتنزل مبلولة مش بياخدوا فبالهم ينشفوها حتي و علي كل ده معاملة سيئة جداً بالذات من البنت اللي بتاخد الطلبات و بالإضافة لإن أسعارهم غالية. الطعام: 1 الخدمة: 1 الأجواء: 1

الأكل جيد لكن محتاجين يركزوا اكتر على نضافة المكان و محتاجين يقدموا منيو بيشرح الأكل اكتر بدل ما طول الوقت نسأل على كل حاجة السعر للشخص الواحد 100–200 E£ الطعام: 3 الخدمة: 3 الأجواء: 2

خبر عاجل لكل سكان الإسكندرية و باقى المحافظات الأخرى .. مطعم الممتاز للاكلات الاسيوية عامل قلبان بالوجبات و الاكل الاسيوى اللى هيحسسك انك سافرت برة مصر من كتر التشكيلة الممتازة اللى فى المنيو من أكل اندونيسى و هندى و تايلاندى و صينى وفلبينى و كورى و يابانى كمان و اجمل حاجة بتميز المكان انك بتاكل و انت حاسس انك قاعد فى بيتك مكان نضيف و جميل و كفاية الأسرة الجميلة اللى فاتحة المكان جربوه و هتحبوه جدا

الافضل تطلب take away الاكل بيتي والأجواء بيتي فعلا فأنصحك تطلب وتاكل بره يكون افضل اكل رخيص ويشبع، أقل حاجه 100 ج تشبعك اوي مقارنة بمطاعم اسيويه تانيه تجربه ممتازه الطعام: 5 الخدمة: 5 الأجواء: 5

الاكل حلو و مشبع جدا و الاسعار كويسه بس المكان صغير و التهوية سيئة و موتور شفط المدخنة فى الصالة صوته عالى جدا و الخدمة مش احسن حاجه (طلبنا شوكة كذا مرة محدش سأل و الأكل بيتأخر بس يستاهل تنتظره الصراحة 🥰) نوع الطلب داخل المطعم نوع الوجبة غداء السعر للشخص الواحد 1–100 E£ الطعام: 4 الخدمة: 2 الأجواء: 3

الاكل هناك جميل جدا ومختلف وشكله بسيط بس فعلا حلو والاسعار حلوة جداااااا يعنى انا كل مرة مش بحسبها بنبقى فردين وبناكل كل الى احنا عايزينه ومفيش مرة عدينا ال ٢٠٠ جنيه فعلا ناس محترمة ومكان جميل نوع الطلب داخل المطعم نوع الوجبة عشاء