كازينو الحمام Casino El Hamam بيانات غير مؤكدة

السنة دي كملوا 100 سنة من العظمة... فاتح من 1920 من ايام ما جدودنا كانوا بيزوغوا و يتقابلوا عالنيل في الكازينو المكان مش مجرد اكل حلو... المكان نفسه ممكن يكون احلى و اروق قاعدة عالنيل فى مصر... فيوو تحفة وجو هادي كدة ماروحتش اي مكان تاني ممكن يتقارن بيه... و المكان عشان كبير جدا حتى لو زحمة بيفضل رايق انا كنت معزوم في مناسبة فماعرفتش اصور كل حاجة اوي... بس هما اثبتولي انهم احسن مكان يتعمل فيه اي مناسبات او تجمعات عائلية... و الكل هيتبسط بالقاعدة و المكان و الاكل طبعا... متخيل انه ينفع لخطوبة او ما شبه عشان المكان كبير و مفتوح و فيه جزء مقفول كمان و كذا مستوى عالنيل الكل كان عرق صعيدي تقريبا فالمعظم طلب "حمام محشي فريك" و اتبسطوا جدا و قالوا انه شبه بتاع البيت... الحمام المشوي بحسه مجهود اوي بس طعمه حلو ... و كان في فراخ مسحب ماجربتهاش بس كان الكلام عليها هايل وطبعا انا ليا الطاجن المخصوص بتاعي... رز معمر بالحمام و كبد الحمام يخليك تبكي من فرط اللذة وتحلم وانت قاعد و هو اخره 3 معالق وخلاص كدة هتفطس... مخدوم بزيااااادة وغرقان قشطة.. كان في الاول نازل مقبلات مشكلة... الورق عنب لطيف.. كبد الفراخ تحفة و مش زفرة والصوص حلو اوي.. السمبوسك بالجبنة جميلة بعجينتها المختلفة شبه الباف بيستري وكان في فتوش وبابا غنوج كويسين وسلطة الراهب المفضلة لقلبي الخدمة كانت فوق الممتازة بجد و مهتمين بكل تفصيلة وكانوا ذوق جدا في كل حاجة

بصراحه الجلسه حلوه طلبت حمام محشي بالرز ... ممتاز كباب وكفته جيد سلطه خضره للاسف ضمرانه وقديمه حمص جيد ملوخية جيد بس انها خفيفة طبعا الطلب تاخر حوالى ٥٠ دقيقة والسبب انه طبخ الحمام في وقته وهذا ما يميزهم عن باقي المطاعم (( اذا كان تعليقي مفيدا لك الرجاء الضغط على علامة الاعجاب ليستفيد غيرك وشكرا ))

رائع الاكل عندهم لذيد الطلب تأخر تقريباً لاكثر من نص ساعه علماً ان انه لايوجد زحمه. اللي بياخذ الطلبات وينزل الاكل فقط عامل واحد مما يسبب التأخير اسعارهم مناسبه جداً وانصح بزيارته الاطلاله والجلسات جميله وعلى النيل مباشرة