بيت لحم Beet Lahm بيانات غير مؤكدة

في العادة انا مش بحب اكتب ريفيو سلبي بس ده مش ريفيو على قد ما هو توثيق لتجربة للأسف سيئة على عكس أغلب الريفيوهات و الدعايا للمطعم ده و عيب يحصل مع عميل أول مرة يزور المطعم على الأقل، أول حاجة و دي الحاجة الوحيدة الإيجابية في الموضوع للأسف، ان المطعم موقعه حلو و مساحته كبيرة و نظيف و شكله شيك نيجي بقى للجزء الثاني و هو الجزء السلبي في التجربة و هي الأكل و التعامل، بالنسبة للأكل احنا كنا ٣ أفراد طلبنا ٣ أصناف مختلفة و هي كالتالي : ١- مبكبكة باللحم الشمبري و دي اللي حصل فيها ان الشخص اللي طلبها بيحب الأكل الاسبايسي ف لما جه يطلبها سأل بتبقى سبايسي ولا لا اتقال له انه حسب الطلب مع العلم ان الطريقة الصحيحة و الأصلية لها انها سبايسي و كلها فلفل أصلا و اللحم فيها قليل جداً و كميتها مش مناسبة مع السعر ده كده أول صنف، الثاني كنت انا اللي طالبه و هو منسف باللحم الضاني و ده كان كميته قليلة و مش بيشبع و اللحم كان قليل جداً و كله عظم و ثمنه مش مناسب مع الكمية خالص زي اللي قبله بالظبط، نيجي لثالث صنف و ده اللي كان فيه مشكلة كبيرة مينفعش الواحد يعديها و هو فتة غزاوية ربع دجاجة ده بقى كان المصيبة فيه انه من أول معلقة أتضح ان كله فلفل و حراق جداً لدرجة مبالغ فيها و الشخص اللي معايا اللي طالبه عنده مشكلة صحية و ممنوع ياكل حاجة فيها نسبة و لو صغيرة من الشطة أو الفلفل و لما لقيت الوضع بالشكل ده جبت واحد من الشباب اللي شغالين ويتر في المكان و قولت له الكلام ده و لكن كان رده اللي مكنتش متوقعه انه حضرتك ده مينفعش يرجع للمطبخ و هتحاسب عليه و غير كده ان هي دي الطريقة الصح للطبق ده و هو بيتعمل كده و كمان ان احنا كاتبين في المنيو ان في فلفل و ده مش حقيقي و انا مصور المنيو و مفيش فيه الكلام ده و هحط صورته مع الريفيو على أساس انه بيكلم حد مبيعرفش يقرأ مثلاً أو عنده زهايمر، و الفكرة ان الشخص اللي معايا و طلب الصنف ده فلسطيني و من غزة كمان ف اللي هو انت بتقول الكلام ده على اساس ايه و قدامك شخص من بلد الأكلة شخصياً و كانت طريقته و هو بيقول الكلام مش أحسن حاجة تكاد تكون هو ده اللي عندنا و اللي عندك اعمله و ده بدل ما يتصرف و يرجعه أو يبدله ع الأقل بس يكون مش حار و بعدين لما اشتكيت له و بيحاول يبرر و لقيت الكلام مش هيجيب نتيجة معاه قولت له هات لي المدير بتاع المكان غاب شوية و رجع يكرر نفس الكلام، قفلت معاه و قولت له انا مش قولت لك هات لي المدير بتاع المكان ده ؟ راح رايح و جاب المدير، المدير جالي و قولت له الشكوى اللي عندي على الأصناف كلها زي ما ذكرت في الكلام فوق خصوصاً الطبق بتاع الفتة ده و كان رده نفس الرد بتاع الويتر و ان هي دي طريقة تسوية الأكل عندنا و ان الطبق بيبقى فيه نسبة من اللحم قصاد المكرونة و الرز بالنسبة للأصناف الثانية مع العلم ان مفيش لحم أصلا و كله عظم و حرام فيه الثمن ده و ان كل حاجة موضحة في المنيو و مبررات ملهاش أي أساس من الصحة و عيب على مكان كبير زي ده ف كان ردنا عليه ان على فكرة الواحد مش أول مرة ياكل الأكل ده ولا أول مرة ياكل لحمة معرفش يرد و قعد يعتذر و مسح الطبق من الفاتورة و رجعه المطبخ و جاب وجبة ثانية مكانها بس الشخص اللي طلبها كان نفسياً اتقفل من المكان و من الأكل و مأكلش و خدها تيك أواي خصوصا ان كان اليوم ده عيد ميلاده و احنا عازمينه على أساس ياكل حاجة بيحبها و بتفكره ببلده بس للأسف اتكسفنا قدامه من اللي حصل معانا و اليوم اتقفل و كلنا اتضايقنا و بناءً عليه طلبنا الحساب على طول و لما جينا نحاسب كنا عايزين نحاسب بالفيزا لقينا الويتر بيقول لنا مفيش مكنة فيزا و كله كاش أو انستا باي اللي هو معلش ازاي مطعم كبير و فخم زي ده ميبقاش عنده مكنة فيزا ؟؟؟؟؟ الطعام: 1 الخدمة: 1 الأجواء: 3

تجربة سيئة جدا في فرع زايد بعد ماطلبنا بربع ساعة رجع الويتر يقول لنا ان الاصناف الجانبية كلها مش موجودة (سمبوسك لحم ، سمبوسك جبنة ، ورق عنب ، شوربة ، الملوخية ، فرايز ) طيب هاناكل ايه جنب الكباب !! طلبنا نلغي الاوردر ، رد قال انهم بدأو في الشوي اضطرينا ناخد رز بسمتي كصنف جانبي مانزلش (ماية ، سلطة ، عيش ) غير لما طلبنا وبعد ما الاكل نزل وبرد الاسعار اغلى من كل المطاعم اللي لها اسم في نفس مربع زايد وللأسف ماقرتش الريفيوز عن المكان قبل ما اروح ، بس واضح ان نفس السلبيات متكررة ومش بيحلوها ولا بيحتروا رأي الناس ، وحتى لما بعت لهم على واتساب ماردوش او اعتذروا الطعام: 1 الخدمة: 1 الأجواء: 1

طيب مش عارف ابدأ من فين 😂😂 انا طلبت الاتي طحينه/سلطه/ مبكبكه ضاني/شامبين سعودي الطحينه عاديه فمفيش فيها مشكلع السلطه الخضراء كانت نازله سخنه بجد الطماطم اللي فيها طعمها متغير طيب المبكبكه لا تمت للمبكبكه الليبي بصله اصلا 😂😂 هي مكرونه بالصلصله ودا كمان كتير عليها اللحمه اللي في المبكبكه مش احسن حاجه يعني خالص شامبين سعودي للاسف برضو لا يمت للشابمين السعودي بصله دا طعمه سكر وفي حاجه لونها احمر 😂😂 ولما قولت لهم دا مش شامبين سعودي قالتلي يا فندم دا الشامبين السعودي اللي عندنا😂😂 اخيرا التعامل كويس بس هم بطيئين اوييييي فعمتا تجربه متتكررش للاسف 😭😭 نوع الطلب داخل المطعم نوع الوجبة غداء السعر للشخص الواحد 600–700 E£ الخدمة: 3 الأجواء: 3

انا فى العادي بحب اقول ريفيو لصاحب المطعم بعد الاكل علشان ده بخبرتي كصاحب بيزنيس بيفرق جداا، فبعد ما اكلت ، سألت شاب هل فيه طريقة اقدر اسيب بيها ريفيو لصاحب المكان و كان رده " انه مش هيهتموا بيها ، الافضل انك تكتبها على جوجل ماب" ، ده كان اول علامة استفهام بالنسبة لي. تاني مشكلة كانت اني كنت عايز اطلب اوردر take away بعد ما اكلت لقيت اللي بياخد اوردرات قاعد حرفيا و بكل تناكة كل ما اقوله عايز اعمل اوردر يقولي اصبر و هو مش بيعمل حاجة حرفيااا. دي اول مره اجربه و اخر مره ان شاء الله. تقييمي كالآتي : المكان كتصميم حلو العاملين بالصالة كويسين اللي شغال على الكاشير مينفعش يتعامل مع زباين نهائي الاكل اللي طلبته صاله كالآتي : فراخ : مش كلها مستوية كويس فيه حاجات فيها دم الكفته : طعمها كان كويس و نسبة اللحوم للدهون كويس ، بس كانت محتاجة تزيد شوية التوابل الممبار : توابل كتير اوي و القرفة كانت مغطيه على طعم اي حاجة تاني و مش مقرمش و شكله مش الطف حاجة العيش : العيش عندهم فعلا تحفة اللى هو حرفيا بجد احلى حاجة فى الاكل كله الارز الابيض : حلو السلطة الخضراء : طازة و حلوة نوع الوجبة عشاء السعر للشخص الواحد 200–400 E£ الطعام: 3 الخدمة: 2 الأجواء: 5 مستوى الضجيج هادئ ويمكن التحدث بسهولة نوع أماكن الجلوس منطقة طعام داخلية, شرفة / فناء في الهواء الطلق

الاستقبال لطيف من الانسه وstaf محترمين جدا والاجواء بتجنن والمكان حلو كتير بس بالنسبه للاكل مش كل الاكلات زي الطريقه الاصليه التابعه لبلدها يعني بالنسبه للقدره الخليليه لا تمد بصله للقدره اللي بفلسطين هيا اقرب للكبسه من ان تكون قدره بالنسبه للمنسف يعني ممكن اعطيه تقيم 3/5 مش واااو لكن جيد اما بالنسبه للكسكس المغربي كان حلو الصراحه واكتر شي كان بجد طعمه رائع الدجاج المسخن الطعم كان روعه الصراحه الفتوش حلو بس الخبز اللي عليه كان سميك وناشف كتير المشروبات حلوه بالنسبه لليمون بنعناع وشاي وقهوه بصفه عامه انبسطنا من الاجواء والمكان اكتر من الاكل وبتمني المره الجايه الاكل يكون اظبط من كده نوع الطلب داخل المطعم نوع الوجبة غداء السعر للشخص الواحد أكثر من 1,000 E£ الطعام: 4 الخدمة: 5 الأجواء: 5

جربت صنية التوفير و كانت حلوه اوي، كل صنف فيها طعمه حلو و تكفي ٤ افراد. الحمام المحشي كان كويس بس الرز كان ناقص تتبيله من جوه ف منصحش بيه اوي. العيش و الطحينه كانو حلوين اوي. الناس ذوق و المكان واسع و عائلي. مش آخر مره اجربه و اجرب المنسف من عندهم. نوع الطلب داخل المطعم نوع الوجبة غداء السعر للشخص الواحد 300–400 E£ الطعام: 5 الخدمة: 5 الأجواء: 4

الاستقبال لطيف جدا من أستاذة نهى ، حفاوة استقبال ترحيب اهتمام وخدمة فوق الممتازة ، انتباه لكل الاشياء من ترتيب الاطباق ومواعيد نزول الكورس بتاع الاكل حاجة جدا مرتبة ولطيفة منهم . استاذة رؤى كانت مشرفة ع كل التفاصيل اللي تخص طاولتنا متابعة معانا ومهتمة بادق ادق التفاصيل من نظافة ترتيب نزول الطلب وحتى رأينا وملاحظاتنا تستقبلها بكل حب واهتمام . طلبت : ملوخية / المشاوي كباب ، ريش / المبكبكة / حمص / سلطة / حلا بسبوسة قشطة / عصيرات طبيعية بطيخ وليمون ونعناع / براد شاهي . الاكل كان جدا لذيذ بجودة ممتازة ، البهارات مو طاغية لذيذة ومره عجبتني بالاضافة للحمص اللي نزل مع المشاوي حاجة رهيييييبة جدا انبسطت بالتجربة واكيد ان شاء الله هاجربها في اقرب فرصة مره ثانية 😍 نوع الطلب داخل المطعم نوع الوجبة عشاء السعر للشخص الواحد أكثر من 1,000 E£ الطعام: 5 الخدمة: 5 الأجواء: 5