Saif wich بيانات غير مؤكدة

يبدو علي المنيو ان اسعاره مش غاليه لكن في الحقيقه لا هو في متناول تجار المخدرات انت يا صاحبي كراجل اكيل محترم وزنك فوق ال100 كيلو وملو هدومك علشان تاكل عنده وتشبع عايز لك 5 سندوتشات فاهيتا بالجبنه ب200 جنيه طيب ما انزل كرداسه اجيب نص كبده جملي واقعد اكل لما ارجع من مناخيري وهيفيض فلوس ولا اكل مندي لكن شهادة حق اكله طعمه حلو بس احنا مش جايين ندووق احنا عايزين نشبع

جميل عيبه توابل البطاطس سيئه طعم الكبده جميل

انا اخر مرة طلبت ٣ سجق كان فيه ٢ منهم مفهمش سجق مليان خلطة و بصل و فلفل البانيه كان مملح بزيادة اوي يعني كان تشيكن جو حلو بس مبقاش بمستوى زمان و مع العلم ان الفرنساوي الوسط ب ٢٠ يعني مش رخيص خالص

سيارة سيف ويتش للطعام السفري بعد هايبر بشوية صغيرين جربت البرجر البلدي المكس وده بيكون عبارة عن برجر 200 جرام مع بيض وجبنة شيدر وكان طلقة كبدة وسجق ومزاليكا كويسين تحضير الطلب حسب الزحمة بس ممكن يخلص في ربع ساعه او تلت ساعه لان بيكبس البرجر علي الماكينة وانت واقف نوع الطلب طعام سفري نوع الوجبة عشاء السعر للشخص الواحد 1–100 E£

الأكل حلو جدا وطازة وخدمة ممتازة وشباب لطيف وأسعار رخيصة طبعا مقابل الجودة نوع الطلب داخل المطعم نوع الوجبة عشاء السعر للشخص الواحد 200–300 E£ الطعام: 5 الخدمة: 5 الأجواء: 4 الأطباق المقترَحة Sausage Cheese

دي عربية أكل في الشارع كدة بس بتعمل سندوتشات حلوة فعلا و نضيفة..احلى حاجة في نظري الفاهيتا و فيه بانيه و برجر و سجق.. و عنده طبعا بطاطس محمرة زي كل المطاعم ...و خدمته سريعة نوعاً ما بس عمتا عدم السرعة الزيادة دي معاناه إن كل حاجة فريش فا ده مش عيب. شباب مكافح.

ممتاز ونظيف وأسعاره مناسبة جدا ... بالنسبة لمطعم تيك اواي ... وأهم شيء ناس محترمين ومنظمين وبالتوفيق دائما