مطعم الحديقة الزجاجية بيانات غير مؤكدة

زرت المطعم مرتين .. مميزاته / ديكوراته حلوه والاطلاله كويسه .. الموظفين السعوديين اخلاقهم حلوه وبشوشين .. موظف الأمن أتعب وأنا أقول خلوق وخدوم ومحترم بشكل مو طبيعي الطلبات الكويسه ✅ // كونفيت مانجو / مكونات غريبه لكن لذيذه (( اتمنى تغيير الاسم لان ماله صله بالصنف )) بيتزا مارغريتا / كويسه مافيها مميزات زي اي مطعم دينامت شرمب / كويسه لكن قليلة جداً بالنسبه للسعر هذا غير انها مو حبات شريمب كامله مقطعينها صغار !! يعني يمكن الصحن فيه ٣ حبات بس لكن مقطعه يعطون الشخص ورقه وهو داخل عليها رقم طاولته وياخذون اسمه ورقمه .. في حال فيه مفقودات او شيء يتواصلون مع الشخص اللي كان ع الطاولة وهذي فكرة تحسب لهم وللأسف انه هذي المميزات فقط سلبياته / اولها كان عندي ملاحظات وانتظرت المدير مالقيته وارسلت عليه موظفة الاستقبال ومالقيته عشان اعطيه ملاحظاتي الأكل // زيارتي الأولى طلبنا كبة ارمنيه / كانت خورااافيه لدرجة اني اكلتها وانا مااكل لحم وتعنيت وزت المطعم مره ثانيه عشان الكبه وللاسف زيارتي الثانيه كانت سيئة اللحمه فيها الوان غريبه اخضر وبنفسجي !!!! غير انها غير ناضجة وطعمها سيء ارانشي بول / كانت لذييييييذه لكن الرز مو ناضج وزيارتنا الثانيه كانت ناضجه ولكن الطعم ❌ والصوص المضاف وقت التقديم خالي من النكهات مجرد طماطم معصوره وكريمة طبخ !! فتة الباذنجان كان فيها طعم سيء جداً حاولت اكلها احتراماً للنعمه ماقدرت الأفوكادو المستخدم في سلطة الكونفيت للاسف اسوووود 💔 الميلك شيك // ٢٨ ريال ؟؟ مبااااااالغ في سعره والكوب يعتبر صغير بالنسبه للصنف ❌ هذا غير اني انتبهت لمن جتني الفاتوره حسبوه علي ب ٣٢ !!! وناقشتهم وردوا لي الفرق الكولا وصلني اول ماطلبت المفروض ينزل مع الطلبات عشان مايحتر وغير كذا جابوه مفتوح بدون غطاء .. ماحبيت الحركة ابداً الافضل يجيبون المفك مع كل طلب ويفتحونه قدام الزبون ماادري وش تعرضت له العلبه من لمن انفتحت لحد ماوصلتني من رذاذ او غيره المبنى بما ان فكرته حديقة زجاجيه المفترض يكون الزجاج نظيف ولكن للاسف كان مبقع ومغبر مع انه من زمان ماجاء مطر يعني منظر الزجاج ماله اي مبرر الأرض وسخه مره غبار وشعر واشياء كثيره والكنب يبي لهم من فترة لفترة يسوون له غسيل مو خسارة مقابل سمعة المطعم واخيراً منطقة الانتظار الغريبه العجيبه !!!! انا جيت مع كريم وقالوا لي انتظري برا في منطقه مزروعه 😻 فرحت قلت ياسلام بروح حديقه الحين .. فجأة الاقيه هذا المنحدر اللي قلبوه الصغار زحليقه من كثر ماهو منحدر !!!! اقلها وفروا كراسي انتظار او اعملوا تسوية لمنطقة الانتظار نصيحتي لصاحب المشروع ... الموقع ممتاز والمشروع متعوب عليه من ناحية موظفين وموقع وايجار ورواتب موظفين لاتضحون في سمعة المكان عشان شغلات بسيطة تقدرون تسيطرون عليها 👌🏻👌🏻 تقدروا انكم توصلوا لجودة ممتازه واحرصوا على الحفاظ على مستوى واحد من الجودة

🔴 الحديقة الزجاجية (مقهى ومطعم) 🗒 الطلبات: (يامي يامي بيض، فرنش توست، قهوة أمريكية، ماهاتو برتقال). 💵 الأسعار: (104) رس ⏰ الخدمة جاهزة خلال 20 دقيقة. ➕ايجابيات: الاطلالة على البحيرة في الدور العلوي ساحرة، الأجواء رائعة جداً، الديكورات جاذبة. ➖ سلبيات: الأكل أقل من المتوسط كطعم. يوجد شيشة في الدور العلوي. الاستعجال في دفع الحساب من البداية. 📌 المكان ديكورات وجلسات أكثر منه أكل لذيذ نوع الطلب داخل المطعم نوع الوجبة فطور السعر للشخص الواحد 100–120 ر.س.

وصلت المطعم الساعة ١١:٤٥ الصباح وقتها مافيه اي طلبات فطور و عشان تطلب غداء ما تبدأ طلبات الغداء الا الساعة ١٢:٤٠ الظهر. الطلب-التقييم: اوزي لحم - ١٠/١٠ مشكل مشاوي - ٨/١٠ سلطة نعناع - ١٠/١٠ المكان مرتب و نظيف و جميل يمتاز باطلالته على بحيرة السد تعامل الموظفين لطيف و الاسعار تعتبر معقولة نوعاً ما نوع الطلب داخل المطعم نوع الوجبة غداء السعر للشخص الواحد 40–60 ر.س.

كانت اول زيارة لي وكنت متوقعه المكان عادي بس تفاجأت بالنظافه ماشاء الله وتعامل الموظفين بدون استثناء من الويترز الى الاستقبال الكل تعاملهم لطييف ومتعاونين طلبت اجلس برا بالجلسات الخارجيه قالو بس المطعم برا وجا الاخ السعودي وودانا للجلسات الخارجيه الله يرضى عليه انبسطت مره من تعاملهم طلبت ٤ لاتيه وكيكة التمر وكيكة سنكرز وبان كوكيز كلهم لذيذين مررره حسابي كان ١٧٨ والطلب ياخذ ٢٠ دقيقه وقت معقول المكان جداً رايق استمتعت بالجلسه فيه صراحه من سنييين ماحسيت براحة بمقهى زي كذا تبارك الله برضو دورات المياه نظييييففففه بشكل ماشاء الله الاسعار معقوووله مره اغلى شي ب ٣٥ ريال تقريباً اول مره ازوره وماراح تكون الاخيره يستحقون اكثر من ٥ نجوم والله 👍💕 نوع الطلب داخل المطعم نوع الوجبة غير ذلك السعر للشخص الواحد 40–60 ر.س.

جربّت الفطور عندهم كان عبارة عن اومليت بالخضار و الجبن و فول و مناقيش بالجبنة و بالبيض و كوكتيل . كل الطلبات جميلة و المناقيش لذيذة جداً الديكور سيء الجو العام سيء الأثاث قديم و بالي و بالنسبة للموظفين و الخدمة فـ يفوز هذا المطعم 🏆 بـ أسوأ خدمة على كوكب 🌍 الأرض و الكواكب المجاورة موقع المطعم جيّد يحتاج الى تحسينات شاملة في الديكور و الأثاث و تدريب الموظفين و المباشرين .

المكان جميل وذو اطلاله رائعه على سد ابها يتطلب حجز وانتظار للجلسات المطله على السد يوجد ملاحظه . يتم اخذ أرقام الانتظار بعدد أفراد العائله كلما كان عدد العائله أكبر كانت في الاولويه لك وليس بالترتيب تم تسجيل دخولي للمطعم الساعه 3 وانتظرت الى الساعه 4.45 مع ان هنالك عوائل كبيره دخلت المكان بعدي بفتره ولم ينتظرو اكثر من 30 دقيقه لأننا شخصان وهذا غير مرضي نصيحه . يجب عليك متابعة رقمك في الانتظار او سوف يتم اضافة عائله غيرك تم استبعاد رقمي في الانتظار ٣ مرات والسبب لموظفين الاستقبال لا يعملون بشكل احترافي وجدي اشكر المشرف مشبب القحطاني على تفهم المشكله وحلها بشكل سريع وهذا يدل على احترافيه و معرفة التعامل مع حل المشاكل كل الشكر له بالنسبه لي لن تتكرر الزياره رغم جمال المكان الا اذا كان عددنا كبير الكوفي و طلباته معده بشكل جيد تم طلب قهوة فرنسيه ١٠٠ % كيكة زعفران ٩٠ % كيكة ببل الشوكلاته والتوت ٦٠ % مشروب موهيتو توت ازرق ٨٠ % حمص ارميني١٠ % تبوله 0 % كبه أرمينيه 80 % طاجن دجاج ارميني 70% أرز بالزعفران 100 % ليمون بالنعناع 100%

معليش على الصور المقرفه لكن جلسنا بالجلسات الخارجيه و الطاوله تملت بالحشرات الغريبه هذي !! شيء مقرف ما قدرت اكمل اكلي .. للامانه من داخل المطعم شميت ريحه حلوه لكن وش الفايده الحشرات جات على اكلي و تركته ما كملته معقوله مافي حل؟ يرشون المكان ب أي بخاخ حطيت نجمتين حق الاكل كان جيد جداً بس بخصوص الحشرات نجمه وحده كثيره على ذا المطعم