مطعم بيراديز بيانات غير مؤكدة

مطعم هندي في شارع الامير تركي بالخبر . الاكل لذيذ و الكميات راهية والمنيو متنوع. تعاملهم راقي وخدمتهم سريعة. المطعم دورين، يوجد لديهم بارتشنز للخصوصية. كما يوجد جلسات خارجية. اسعارهم مناسبة يستحق التجربة الطعام: 5 الخدمة: 5 الأجواء: 4

المطعم جميل وراقي وخدمتهم سريعه والأكل لذيذ فيه لسعة حراره ( سبايسي شوي ) ويجيكم ساااخن .. اعجبني باذن الله ارجع له مره ثانيه الطعام: 5 الخدمة: 5 الأجواء: 5

خدمتهم ممتازة و الاكل ساخن و يجهز سررريع حسابنا كان ٣١٠ ريال طلبنا شوربة عدس و سمبوسة دجاج و خضار و البرياني ماشاءالله ممتاز 👍🏻👍🏻 لكن معروفه المطاعم الهنديه بهاراتهم واضحه اللي يحبها خفيفه يأكد لهم بالطلب. و اللوبيستر التندوري صدمني على بالي كبير طلع نصفه لكن مرتبينه ماشاءالله وتاكله سريع بدون حوسه لكن فيه نقطه سلبية طاولتنا بجنبها صوت مزعج طلعت الثلاجه😅 ضيفونا حلى مجاناً الله يسعدهم عندهم طاولات مفتوحه و بارتشن✅✅✅ السعر للشخص الواحد أكثر من 200 ر.س. الطعام: 5 الخدمة: 5 الأجواء: 3

طلبي برياني سادة ودجاج بالزبدة استقبالهم جيد والخدمة كويسة لكن لازم تطلع لهم عند الكاونتر اللي عند الدرج علشان احد ينتبه لك و تطلب ف لو كان عندهم جرس مناداة في الجلسات أفضل.. الأكل بشكل عام جيد لكن في طعم غير مستحب في الدجاج بالزبدة وهو طعم حالي غريب والأسعار من متوسطة إلى غالية بالنسبة للجلسات في جلسات تحت مفتوحة لكن زحمة والطاولات قريبة من بعض وفي جلسات بستائر فوق لكن الألوان غاااااتمة مره لدرجة يجيك تكاك من الألوان والتكيف فوق حار مره.. فإذا انت ممكن تتأثر بالألوان والحرارة اقعد تحت أو اطلب سفري أفضل لك لأن أنا من زود الكتمة جاتني دوخة ولوعة ماقدرت أكمل أكل بالنسبة للنظافة بشكل عام المكان والحمام نظيف لكن يحتاجون يهتمون بتفاصيل مثلا مكان السيفون والأماكن الصغيرة والزوايا اللي جد تفرق في انك تقول عن المكان إذا نظيف أو لا يشكرون ع نقطة وانهم حاطين مكان للصلاة صغير في زاوية لكن ياليت يكملون الجميل ويغيرون الفرشة ❤️ السعر للشخص الواحد 100–120 ر.س. الطعام: 4 الخدمة: 4 الأجواء: 2 مستوى الضجيج ضجيج متوسط وقت الانتظار بلا انتظار

مطعم جميل جدا جدا جدا وطعم مميز وخدمه خمس نجوم ومدير المطعم مصطفى والموظفين كلهم محترمين والخدمه رائعه والاكل يستحق الزياره الطعام: 5 الخدمة: 5 الأجواء: 5

زيارتي للمطعم كانت مبنية على تقييم المطعم بخرائط قوقل على اساس ان المطعم يقدم اكل هندي .. طلباتنا كانت كالاتي دجاج ٦٥ تقييمي لها ٤/١٠ لعدم وجود اي زفره بالدجاج .. ولكن الطعم لم يكن كالمتوقع دجاج بالزبده ٦/١٠ ولكن طعم الصلصه كان نوعا ما طاغي لحم برياني ١/١٠ بالنسبه لي اللحم كان غير ذايب وغير ترف وحقيقة كان فيه رائحة غير مقبوله بالنسبه لي .. حقيقة لم استطعم طعم البرياني ابدا. ولكن طاقم العمل كانوا بشوشين وخدومين واي طلب نبغاه يوفرونه لنا باسرع وقت. اكتشفت ان التعليقات بقوقل لا تمت للواقع بصله في كثير من الاحيان .. لابد من الانتباه عند تجربة اي مطعم. كل المكتوب اعلاه راي شخصي ومما لاشك فيه ان الاذواق تختلف من شخص لاخر. شخصيا اشوف السعر مبالغ فيه جدا بالنسبه للطعم نوع الوجبة عشاء السعر للشخص الواحد 100–120 ر.س. الطعام: 2 الخدمة: 4 الأجواء: 4

المطعم جميل وهادي بس النكهه عاديه نوعا ما .. وفيه طبق مااعجبني طعمه يمكن اختياري كان غير موفق .شكرا لكم نوع الوجبة غداء الطعام: 3 الخدمة: 5 الأجواء: 5 مستوى الضجيج هادئ ويمكن التحدث بسهولة