Public بيانات غير مؤكدة

الصدق ان الاسعار مبالغ فيها جداً مقابل الطعم و الكميات ، طلبنا: سلطة الكيل الكلاسيك كانت عادية جداً و الدرسينغ الي فيها قليل مالها طعم ! ❌ كرات الترافل : الصدق كانت لذيذة 👌🏻 بطاطس بالبارميزان : صدمة الكمية ! و بطاطس مقلي عادي جداً من انواع البطاطس المثلجة و المقلية مو خاصة بالمطعم !! ❌ بيتزا البافلو : عادية تحسها ناقصة شي ! يعني ما ادري ما احسها بيتزا اساسا مافي كمية جبن وصوص ! بيتزا مووو حقيقية ابداً 😣 قطع الدجاج كبيرة زي ماهي عالبيتزا و البيتزا فقيرة ❌ بيتزا الاباما ماما : صراحة!!! سيئة و نكهة اللحم قوووية و مافيها كمية جبن و لا صوص كل اكلهم احسه ناقص ❌❌! ومن الاطباق الرئيسية: تشيكن سيزر ميلانيزي : عاااادية جداً كمان و ناقصة نكهة !! الأكل فيه بخل بالمكونات؟ ما أعرف كيف اشرحها بس و احنا ناكل مو قادرين نستطعم الاكل مافيه لذذذذة 😒😒 الباستا : باستا ببلك ريجاتوني : عادية جداً جداً التاجلينوي بالترافل بس كمان عادية! ارجع واقول تحسون الاكل ناقصصصصص نكهات ناقص دجاج ركزوا ان اطباق الباستا مافيها بروتين ! السعر ليش عالي ! و الكمية نتتتتتفة للاسف ماصورت باقي الصور❌ الصراحة اجواء المكان فقط الي حلوة اجواءه كاجوال اما الاكل مو مناسب تحسون طالعين زعلانين و كنا ٥ اشخاص الصدق! كلنا طلعنا مو مبسوطين من الاكل و حطوا ببالكم اذا رحتوا الاسعار عالية مقابل الطعم و الكمية الصدق 😣 و التجربة عن نفسي ماراح اكررها ❌ الشي الايجابي الخدمة رائعة و الأجواء ✅ نوع الوجبة عشاء السعر للشخص الواحد أكثر من 200 ر.س. الطعام: 2 الخدمة: 4 الأجواء: 4 حجم المجموعة بين 3 و4 أشخاص وقت الانتظار ما يصل إلى 10 دقائق

طلبت بابلك باستا وكانت ممتازة، وكذلك طلبت فرايز وكان طعمه جدا جدا عادي وسعره مرتفع، المحل اول ما دخلت كان شبه فاضي واخذوا قرابة الـ 35 دقيقة لتجهيز الباستا ! تجربة اكثر شي ازعجني فيها هو التأخير.

طلبت بيتزا ماما مع رزيتو و كان الاكل مميز مع ملاحظة بسيطه ان الرزيتو كان حامض بزيادة ليمون و المفروض نطلب ليمون معتدل و البيتزا تحتاج زيادة لحم لكن مدير المطعم السيد رودي كان رائع متفهم و عشان تعامله الراقي نوع الوجبة غداء السعر للشخص الواحد 80–100 ر.س. الطعام: 5 الخدمة: 5 الأجواء: 4 مستوى الضجيج ضجيج متوسط وقت الانتظار بلا انتظار

المطعم حلو ونظيف وواسع وفيه مسافه بين الطاولات والخدمه ممتازه جداً جدا والأكل لذيييييذ الأسعار مرتفعه يعتبر من المطاعم المميزه عندي وتفوز خدمتهم 👍 رحت له بعد الظهر كان فاضي نوعاً ما نوع الوجبة غداء السعر للشخص الواحد أكثر من 200 ر.س. الطعام: 5 الخدمة: 5 الأجواء: 5 الأطباق المقترَحة حجم المجموعة لست متأكّدًا

المكان مره حلو وفايبز، فيه ديجي ولازم حجز بدون حجز ممكن تنتظرون في الويكند نص ساعه الى ساعه تقييم الاكل الذ مطعم في الخبر جربنا ربيان بالريحان ومن مميزاته انه يجي حامض وكان فعلاً حامض ولذيذ وقطع الارنشيني بعد كانت لذيذه جداً وترافل تاليوليني كل شيء كان لذيذ جداً والموظفين يسوون تشيك كل شوي وجداً لطيفين قطعو لنا الباستا انصح بالتجربة والتكرار اكيد🌟 نوع الوجبة عشاء السعر للشخص الواحد أكثر من 200 ر.س. حجم المجموعة شخصان وقت الانتظار بلا انتظار

مكان وجلسات حلوة رايقه. الاكل لزيز بس اسعارهم تعتبر عاليه على الطعم عادي جدا وفي مطاعم ايطاليا تانيه تقديم طعم افضل بسعر مناسب. نوع الوجبة عشاء السعر للشخص الواحد أكثر من 200 ر.س. الطعام: 3 الخدمة: 4 الأجواء: 5 حجم المجموعة مناسب لجميع أحجام المجموعات وقت الانتظار بلا انتظار

الصراحة المكان والاجواء خرافية تفتح النفس الواحد لازم يجربها لو مرة على الأقل 🤩🫶🏻 والخدمة ممتازة والموظفين ودودين ومتعاونين جدا من كل النواحي للاسف نسيت اسم الموظف الي مسؤول عن خدمة طاولتنا تعامله كان ممتاز 💕 بس لما نجي للاكللل..... 👀 بكل مصداقية نكهات الاطباق ليست مميزة ولو المكان مو راقي ومعروف ومميز وكان مبنى ومحل عادي يمكن ما كان بهذي الشهرة والاقبال، لذا المكان والخدمة وطريقة التقديم لها دور كبير في رفع تقييمه وزيادة زياراته، والأسعار مرتفعة طبعا - parmesan fries 8/10 من اسمها فرايز بجبنة البارميزان طازجة ولذيذة وطعمها مثل ما تتخيلونه، الطبق متوسط الحجم مائل للصغر - Curly corn 6/10 الصراحة نكهتها عادية مو مميزة خصوصا لحالها، الصوص يحسنها لو انتوا من محبين الثوم الي معي على الطاولة اعجبتهم لكن انا كشخص ما يفضل نكهة الثوم القوية ما قدرت اكلها مع صوص - Buffalo Pizza 7/10 نكهة البافالو حلوة مو حارة مرة ولا حالية مرة، العجينة حلوة، الدجاج لا بأس به مو مقرمش مرة لكن لذيذ، البيتزا على بعضها لا بأس بها - chicken caesar milanese 8/10 طبق حلو للي يحب سلطة السيزر والدجاج المقرمش، صراحة طبق لذيذ ومنعش وخفيف يناسب الي ما يحب النكهات القوية والغريبة كلاسيكي - Public baked rigatoni 8/10 حلو طبق امن ومعروف نكهته لذيذة ومتوازن الجبن فيه جدا لذيذ يعني الي يحبون البينك باستا او صوص الطماطم بالكريمة والجبنة بيعجبهم بشكل عام الأكل تقييمه يتراوح بين ٦ إلى ٨ ما فيه شيء صدمني بلذته او تغلب على مطاعمي المفضلة الأخرى، جودة المكونات ممتازة ما فيها كلام لكن النكهات متكررة وعادية والاسعار عالية مقارنة بذلك، ممكن اكرر الزيارة من اجل الأجواء والتعامل المميز واجرب اطباق اخرى يوما ما لكن ليس قريبا 😅🙏🏻 نوع الوجبة عشاء السعر للشخص الواحد 120–140 ر.س. الطعام: 3 الخدمة: 5 الأجواء: 5 مستوى الضجيج ضجيج عالٍ، ولكن لا يزال من الممكن التحدّث وقت الانتظار بين 10 و30 د مساحة موقف السيارات من الصعب نوعًا ما العثور على موقف سيارات خيارات مواقف السيارات موقف سيارات مجاني, موقف سيارات مجاني في الشارع