مطاعم محيوف بيت الأكلات الشعبية بيانات غير مؤكدة

للأمانة اكل طيب ونظيف ،وجديد ، وشباب الخدمة مرتبين موقع يحترم وينصح به شكرا خاص للموظف صني على خدمة المحلي الطعام: 5 الخدمة: 5 الأجواء: 5

أدعي عليه في الثلث الأخير من الليل؛ طلبت طلب مسبق من هنقر ستيشن، وكان مكتوب في التطبيق أن الاستلام بعد عشر دقائق. وصلت في الموعد وقال لي (انتظر عشرين دقيقة)، فقلت له إن التطبيق يقول (١٠ دقايق) فقال لي: (كل المناديب ينتظرون ايش فرقك عنهم؟).. ثم طلعت وأرسلت مرسول يستلم الطلب لأني مستعجل.. فألغى الطلب من عنده (لأن العميل لم يستلم الطلب) ولما وصل مرسول قال له (ادفع مرة ثانية وطلبك جاهز) وأخذ مني فلوس نفس الوجبة مرتين بالتواصل مع خدمة عملاء هنقر ستيشن أفادوا أن الإلغاء من حق المطعم وأن الفلوس بيستلمها المطعم وليس هم، ورفضوا قبول شكواي الخدمة: 1

توي طالع منه وصار لي فتره اتردد عليه والسبب فوق اللذاذه والطعم مايقفل الا الساعه ٣ الفجر عكس مطاعم الرز الباقيه تقفل ١٢ طبعاً جربت ثلاث أنواع خلال فتره قصيره مندج دجاج ١٠/١٠ محيوف دجاج ١٠/٩ قريبه للمقلوبه بس هي احسن وسبب عدم اكتمال التقييم ان الرز قليل والسبب طبخه مع الخضار فـ يقللون كمية الرز مضغوط دجاج ١٠/١٠ وهذا العشق عندهم وازين مافيه يتسوى بعد الطلب ياخذ تقريباً ٢٠ دقيقه او اقل .. ميزة المضغوط هذا بالنسبه لي ان موظف الاستقبال او المحاسب يقول للطباخ اطبخه بمرقة لحم فـ يطلع الطعم اسطوري جداً وانصح فيه الاسعار مناسبه جداً مضغوط مع مشروب وطحينيه بـ ٢٤ ريال بالنسبه للموظفين يستحقون الشكر جميعهم وخاصه المحاسب اتوقع اسمه محمد والمباشر شيخ ساني 👍🏻 نوع الطلب داخل المطعم نوع الوجبة عشاء السعر للشخص الواحد 20–40 ر.س. الطعام: 5 الخدمة: 5 الأجواء: 5 الحجز بدون حجز فقط مساحة موقف السيارات من الصعب نوعًا ما العثور على موقف سيارات خيارات مواقف السيارات موقف سيارات مجاني

من باب الامانه وكلمة الحق ولاني قلت بيكون لي تجربه اخرى بعد ان كانت التجربه الاولى غير مرضيه، لكن الحين وبعد عدة تجارب اقدر اقول اني وصلت لتجارب مرضيه بالفعل والآن يستحقون اني اغير التقييم السابق من نجمتين الى ٤ نجمات... اولا مغازلية اللحم ممتازه واحس تناسب حتى كبار السن لانها رز ابيض ساده مافيه بهارات ولا ألوان ولا فلسفه وطعم اللحم لذيذ وواضح انه بلدي ثانيا البخاري صار لذيذ فعلا واختلف عن السابق بفرق كبير والدجاج ممتاز وثالثا كبسة دجاج محيوف/ صح ان طعمه جيد لكن للان ترا ماشوف فيه شي يميزه ويخلينا نقول عنه غير تقليدي (طبعا هو الي عليه إسم المحل عشان كذا انا قلت المفترض انه يكون شي مميز وغير تقليدي) والاطباق الجانبيه جيده مثل الجريش والقرصان ومسقعة القرع واخيرا اي مطعم يطور من نفسه ويستمع لملاحظات الزباين ويعدل من اخطاءه يستحق اننا نثني عليه وايضا احنا بدورنا نعدل التقييم للأفضل &&&&&&&&&&&&&&&&&&&&&&& وهذي تجربتي الاولى بتركها للاطلاع فقط 👇🏻 اول زياره تجربه اولى غير مرضيه لكن نتمى التجارب القادمه تكون أفضل، بصراحه تشوف اللوحه الجميله من الخارج والاسم المميز تتوقع انك بتلقى اكل لذيذ بالداخل، لكن الواقع ان الاكل مستواه عادي دجاج مع رز محيوف، الرز الي هو على اسم المحل يفترض انه يكون شي مميز لكن الواقع العكس لانه رز عادي جدا ولا افكر ارجع اطلبه الجريش كان جيد والبخاري عادي جدا عندهم شي جديد اسمه (مغازليه لحم) وطبعا ماهو مسجل بالمنيو لانه يقول المنيو المعروض عندهم منيو قديم، عاد هذي من اسمها احس اني مارتحت لها 😁😁 وهي فكرتها فقط أن الرز مطبوخ مع بودرة الليمون الاسود طبعا فيه جلسات تحت وفوق ولكن افراد فقط اخيرا يقول هذا المطعم تابع لمحلهم الآخر الي هو مقلوبة الدار، وايضا يملكون مطعم سفرة الطيبين ومطعم كبسه وزياده.. عاد مقلوبة الدار اتذكر بداياته برمضان الماضي ونفس الشي الان محيوف فتح برمضان، واتذكر مقلوبة الدار كان في بداياته غير مرضي والتعليقات بقوقل ماب تشهد بذلك لكن يبدو انه صار فيه تعديلات بالفترة الاخيره وان شاء الله دائما يكون فيه تطوير للأفضل

طلبت عن طريق تطبيقات التوصيل وقد وصل الطعام ساخن جدا وقد اعجبني اضافة الخضار الى الرز واعطت اضافة للمذاق . تجربة مميزة اكررها ومع اصناف ثانية نوع الطلب طعام سفري نوع الوجبة عشاء السعر للشخص الواحد 20–40 ر.س. الطعام: 5 الخدمة: 5 الأجواء: 5

اكلهم حلو وتعامل الموظفين ممتاز شكرا للموظف ساني نوع الطلب داخل المطعم نوع الوجبة عشاء السعر للشخص الواحد 1–20 ر.س. مستوى الضجيج هادئ ويمكن التحدث بسهولة

جربت كذا مره منهم ام علي .. وكلها اخذتها سفري .. صراحه متوسطة الجودة سايلة جداً الحليب فيها كثير هي لذيذه لكن بحكم اني جربت ام علي من اماكن كثيره فحقتهم تحتاج للتحسين .. شفت الصور اللي هنا لكنها مش مثل اللي طلبت 🤷🏻‍♀️ لكن اعتقد اني بطلب مره اخرى و اصور لكم ويارب تكون لذيذه افضل من قبل طلبنا اليوم ووصيناهم يكثرون مكسرات 🙆🏻‍♀️ الطعم لازال بسيط و قليل حلاه و تو اكلت قضمه كانت فيها نكهة بصل!😓