مطاعم مياسة بيانات غير مؤكدة

مطعم ممتاز، فتح تقريباً قبل ٧ اشهر، حسنوا نفسهم بشكل جبار ما شاء الله، البروستد جيد ، الشاورما جيدة جداً، صوص الثوم ممتاز، اغلب خيارات البيتزا ممتازة، برقر الدجاج خيال من الآخر، الفلافل طيب ويستحق الطلب، عندهم افكار عجيبة بالنسبة للأطعمة. ملاحظة إضافية ( البطاطس جيد وأنصح عند الطلب انك تقول للمعلم ما يقصر في الملح) الأسعار مره ممتازة وأحييهم على توفير أكل بهذي اللذاذة والجودة مقابل الأسعار الي ممكن ينقال عنها أقل من أغلب المنافسين. العمال نفسهم طيبة وما خيبوني لما اطلب منهم شي ما يقصرون معي. وأشوف المدير ما شاء الله يجي يشيك على العمال والمطعم بشكل يومي. جيتهم مره وكملت الأسبوع ذاك بتكرار الزيارة ثلاث مرات وأنصح أي أحد يجربه. الشي الوحيد الي ما أعجبني في المطعم هو الكراسي والطاولات. نوع الطلب داخل المطعم نوع الوجبة عشاء السعر للشخص الواحد 20–40 ر.س. الطعام: 5 الخدمة: 5 الأجواء: 3 الأطباق المقترَحة Chicken Burger

بعد سنه كامله اعدل تقييمي المطعم تغير وصار سيء جدا لدرجة م تقدر توكله البس حقك. حاولت اعطيه فرصه حاولت طلبت اكثر من مره واليوم كانت الخاتمه طلبت عربي حراق والله يكرمك يا نعمه الدجاج سيء الثوم سيء على وجه الخصوص. ويوم تواصلت مع الموظف قالي الحين اجيبلك عربي ثاني تعويض لا الله يخليك خل العربي عندك ما ابيه. نوع الطلب خدمة التوصيل نوع الوجبة عشاء السعر للشخص الواحد 1–20 ر.س. الطعام: 1 الخدمة: 1

المطعم يختلف جدا عن اول ما فتح قبل سنه تقريبا الاكل سيئ والخدمه سيئه وفيهم بخل مو طبيعي اتوقع السبب الموظفين تغيرو كان في واحد لبناني وحق الشاورما بنقالي كانو كريمين ويرحبون فيك كانك متزوج البنقالي حق الشورما لو تقوله حط الثوم كله حطه لك لكن حاليا لا انصح بزيارته لو كنت منكوب وجوعان الساعه ١١ الليل تبي عشاء وتنام انصحك تمر البقاله تاخذ تونه او اندومي او فطاير وعصير افضل من الاكل السيئ الي يقدمونه لو تكلمني عن قبل سنه بقولك خذ منه بدون تفكير لكن حاليا مطعم سيئ يستحق تقييم ٢،٢٤/١٠ نوع الطلب طعام سفري نوع الوجبة عشاء السعر للشخص الواحد 1–20 ر.س. الطعام: 1 الخدمة: 2 الأجواء: 1

في تحسن كبير فعلا عمال مرتبين واكلهم طيب

دايماً امر من عند هالمطعم وعندي احساس قوي انه لذيذ جربت الشاورما الدجاج الصغيره لذيذه لذاذه طعم شاورما زمان 👍 وجربت برقر دجاج لذيذ وخفيف تجربه استمتعت فيها وطبعاً سوف اكررها مرات كثيره 👍 وشكر خاص لصاحب المحل الخلوق الكريم ابوعبدالرحيم عالضيافه 🙏 نوع الطلب طعام سفري نوع الوجبة عشاء السعر للشخص الواحد 1–20 ر.س.

ماشاء الله تبارك الله الاكل عندهم لذيذ والخدمه والموظفين بشكل عام خاصة الكاشير علي الطعام: 5 الخدمة: 5 الأجواء: 5

جربت عندهم برقر لحم دبل ب ١٥ ريال وعش البلبل ب ١٣ ريال اقسم بالله العظيم والله شاهد علي ان البرجر عندهم افضل برقر ذقته ومااتوقع بيستمر بالسعر ذا راح يزيد سعره مع الوقت لأنه يستاهل بالنسبة لعش البلبل كانت لذيذة جدا انصحكم تمرون المطعم ولاتفوتونه عيبه الوحيد انه البرجر يبيع فردي بس مافيه وجبه وسمعت ان البروستد مايقدمون معه الحمص لازم يقدمونه لانه شي اساسي بالبروستد وموفقين